近期 ViuTV 綜藝真係愈嚟愈有爆點！最近套《 賭命夫妻 》掀起全城熱話，星期四（10 月 14 日）播出嘅第 4 集「人夫隔離營」可以話係尺度頗大！而且製作組仲公開埋網上限定片段，竟然有錫錫場面？！

# ViuTV 最新綜藝《 賭命夫妻 》

怕大家未開始睇，講少少背景先～節目招募咗 5 對婚姻出現危機嘅夫妻，進行一連串賭局同遊戲去贏獎金，啲情節都幾露骨，但又幾抵死好笑～為咗測試參加者嘅婚姻係咪真係咁脆弱，第 2 集到第 3 集都係主要講「人妻隔離營」，叫咗 193、Brian（陳安立）等小鮮肉去引誘人妻們～

#大尺度「人夫隔離營」

人妻們享用完 PTBF，一定唔少得人夫們果份啦！節目組派出 5 位身材超火辣嘅 PTGF 去誘惑男參賽者，仲叫佢哋自己揀心儀嘅女仔！當中值得留意係人夫 Benson，佢一開始就話睇中身材豐滿嘅 Mangie，仲話對方「好似其中一個前女友」！哇，依位人夫都幾大膽⋯

未講完啊，人夫 Benson 仲自認對 Mangie「思想出軌」，更加表示：「我冇嘢需要懺悔啊，因為冇做過任何越軌嘅行為。不過亦都係因為依個原因，所以覺得好唔開心。」！網民們都一面倒覺得人夫 Benson 根本唔愛老婆 Ruby，仲有啲過份～

#人夫阿匡拖 PTGF 手仔又攬攬

人夫阿匡同 PTGF Oille 做足情侶拍拖時會做嘅親密舉動，又拖手仔、又攬晒腰咁～咁 over，唔知老婆見到會有咩感覺呢？

#火辣辣網上限定片段

ViuTV 係第 4 集播出之後，就公開咗一段網上限定片段，主持人火火要求各位 PTGF 根據人夫嘅拍拖表現進行評分，如果達標就可以喺人夫嘅恤衫留下唇印！但係⋯最後每位 PTGF 都錫咗人夫塊面！！玩到咁大，點收科啊？

圖片來源：ViuTV

延伸閱讀

【別被巨蟹男住家形象欺騙！12星座出軌壞男人排行榜Top 5！】

【影響戀情的兩類人！簡單道理告訴妳第三者比舊情人好應付！】

Klook.com