Connect with us

FOOD 吃貨

必食浪漫聖誕大餐!銅鑼灣米芝蓮名廚自家新開法國Fine Dining餐廳!精緻菜式+歐式裝修CP值極高!

Published

on

又到聖誕~諗住同另一半去食下聖誕大餐,又諗唔到食邊間好?今日小編就推介一間環境同食物質素都非常之高分嘅法國Fine Dining餐廳 – 「Shun」,而餐廳就係用主廚嘅英文名命名。主廚Shun曾經喺米芝蓮一星法國餐廳Petrus任職副主廚多年,有非常豐富烹調高級法國菜式嘅經驗。「Shun」同其他其他法國餐廳唔同嘅係,菜式會重新構思同加入適合本地人嘅口味,配搭會比較有創意同獨特,每一道菜由擺盤到味道都體驗到廚師嘅心思。

#餐前麵包

由餐廳自家嘅麵包師傅每日新鮮製造,唔係出面嘅現成貨。搭配麵包食嘅牛油都有3款選擇,除咗一般牛油之外,仲有紫菜味同煙燻辣味,小編大推紫菜味牛油,十分香濃,估唔到紫菜原來同牛油係咁夾㗎!

#「法式鮮蠔濃湯」

賣相好似《愛麗絲夢幻仙境》入面嘅畫面咁夢幻,第一眼以為係甜品,但原來呢個係「法式鮮蠔濃湯」,由3層配料層層疊而成,入面加入薯蓉、蠔湯等,最驚喜係竟然有原隻鮮蠔喺裡面,雙重鮮味喺口腔爆發~

#「新西蘭蟶子配三文魚子、烏魚子、萵苣」

我哋平時食蟶子通常都會配豉椒或者蒜蓉,無諗過以日式做法又幾夾喎!三文魚子嘅咸香令蟶子嘅鮮甜味更加昇華,而廚師亦都好細心咁處理蟶子,所以食落肉質非常爽口,一啲都唔韌!

#「日本馬頭魚配法國青口、蜆肉、寶塔花菜蓉、紅花汁」

鍾意食魚嘅朋友見到呢碟菜式應該好開心,因為啖啖肉好滿足~馬頭魚肉質嫩滑,日本人則稱之為「甘鯛」,並將它奉為高檔美味。經過油炸烹煮後,做到外脆內軟嘅效果,魚皮炸得非常鬆脆。搭配旁邊嘅寶塔花菜蓉同紅花汁一齊食,可以中和油膩感,令整體味道更佳。

#「乾式熟成美國和牛西冷扒」

美國和牛會先以乾式熟成方式處理,等幾個星期後再拎出嚟烹調,所以食落去牛味較香濃,而且做到外層香脆嘅效果,食落有啲似炭燒牛扒嘅感覺,同一般牛扒煎出嚟嘅口感分別大。

另外再搭配鵝肝、蘆荀、蘑菇蓉、薯蓉、黑松露菌汁。

#香脆蘋果批配雲呢拿意大利雪糕

有啲人可能會覺得一般嘅蘋果批玉桂味太濃郁,或者有啲會夾住吉士醬太甜,而呢個絕對會顛覆大家對蘋果批嘅印象。第一次見咁薄嘅蘋果批~酥皮又薄又脆,蘋果酸酸甜甜,清新又純綷嘅蘋果香味令人一啖接一啖停唔到手,食晒成個都唔會滯!

Shun
地址:銅鑼灣銅鑼灣道25號地下
電話:28852331 / 64636693
訂座:linktr.ee/shun.hkg

Continue Reading
Click to comment

Leave a Reply

Your email address will not be published.

FOOD 吃貨

【#小編實試】情侶紀念日/生日必到!尖沙咀性價比高和牛鐵板燒!晚市12道菜海膽龍蝦鮑魚全包!

Published

on

原來食鐵板燒都可以享受到 Fine Dining 嘅奢華感!尖沙咀最近新開咗間主打西日 Fusion 菜嘅餐廳,食材都係由日本空運直送到港,保證新鮮~你問鐵板燒有咩特別?有啊,因為佢每一道料理都非常創新,絕對唔係平時食到果種!而且小編一聽到餐廳主打日本金賞米沢和牛同日本蝦夷鮑魚,就即刻決定要去試一試佢!

(more…)

Continue Reading

FOOD 吃貨

聚會抵食之選!太子西班牙酒吧餐廳$68紅酒生蠔閨蜜音樂party!免費送法國生蠔!

Published

on

一大班friend想搵個地方gathering飲下嘢,又想經驗實惠啲,今日小編就有好推介!呢個位於太子嘅西班牙酒吧餐廳「Channel 3 Tapas Bar & Restaurant 」,距離太子地鐵站大概2-3分鐘嘅路程,地段非常方便!而最近佢哋就推出咗超抵嘅餐飲優惠:逢星期一至五晚飯時段,凡惠顧1杯價值$68或以上嘅酒精飲品即送2隻法國高級生蠔,每人限送2隻生蠔~連埋加一服務費最平$75有找就有1杯酒+2隻生蠔,會唔會太抵!優惠暫時無限期供應,直至另行通知為止。

示意圖

(more…)

Continue Reading

FOOD 吃貨

中秋節2022:米芝蓮食府呈獻!朗廷酒店奶黃月餅超值買1送1優惠!精美木製玫瑰首飾盒送禮一流!

Published

on

By

為慶祝人月兩圓的中秋佳節,The Langham 朗廷酒店 米芝蓮三星食府唐閣行政總廚及團隊悉心演繹迷你奶黃經典口味月餅,現在更有買一送一超值優惠!

(more…)

Continue Reading

Trending