除咗 MIRROR 之外,ViuTV 最紅嘅人一定係「 七師傅 」七仙羽!自從拍咗 ViuTV 靈異節目《鬼同你上位》, 七師傅 可以話係由年頭紅到落年尾!最近佢仲係宣傳活動上面,大爆自己今年收入已經過千萬?!
# 七師傅 今年收入已過千萬!
早前 七師傅 出席香港開電視新一輯靈異節目《怪談‧一路好走》嘅宣傳活動,自爆今年收入已超過千萬元,吸金力極強!
不過都唔出奇,因為佢今年接拍超過 10 個廣告,再加上拍電視節目同電影,賺到盤滿缽滿都好正常~不過 七師傅 就話自己會將收入用嚟做善事、回饋社會!
#透露11月開拍《七福星》
之前 七師傅 主持嘅 ViuTV 節目《七救星》大受歡迎,佢透露 11 月會開拍第二季《七福星》,以農曆新年為主題,預定新年期間開播!佢仲話已經請咗張敬軒做嘉賓!
#下個月開拍古天樂新戲
除咗自己嘅節目之外, 七師傅 下個月仲會參考古天樂嘅新戲,真係忙到癲!佢透露自己嘅角色都係做返師傅,不過拍電影酬勞就唔算多,「好似 6 位數,拍電影、電視唔多錢,廣告先多。」
延伸閱讀
【劇透請小心!《魷魚遊戲》劇中三大你不知道的細節位!】
【CK底褲廣告震撼全城!Mirror成員多張肌肉J圖合集!】