最近好流行日系文青眼鏡,因為日本眼鏡一向係品質嘅保證,特別係手造眼鏡配合咗傳統工藝製法,無多餘嘅裝飾或者誇張嘅線條,款式睇落簡約、永恆不老!每條樸實曲線背後都係久經錘煉,而近年多咗好多日本新一代設計師品牌崛起,承襲老一輩嘅設計理念,同時融入現代潮流元素,喺經典的曲線中帶出精緻感。而本地日本手造眼鏡名所 The New Black Optical ,專門引入日本人氣手造眼鏡品牌。繼旺角店、銅鑼灣店後,即將於荃灣開設第三間分店,選址位於荃灣如心廣場2期,佔地面積超過三千呎,成為目前為止最大的旗艦店!
#超過40個日本手造眼鏡品牌
全新荃灣分店成為新界區最大、最多、最齊嘅日本手造眼鏡選購專門店,引入超過40個日本手造眼鏡品牌,當中包括日本最具代表性嘅時尚百貨公司 Parco 旗下嘅 The White Screen 、日本皇室御用眼镜品牌 MASUNAGA 增永眼鏡、日本藝人熱棒嘅 BJ CLASSIC ,其他仲有 Native Sons 、 EYEVAN 、 金子眼鏡 、 999.9 、 Stancey Ramars 等等,當中 The White Screen 更係從未喺海外正式代理, The New Black Optical 係日本以外唯一嘅海外代理店,款式自然相當齊全,超適合日本眼鏡嘅愛好者!
#Zeiss VISUFIT 1000 數碼3D中心定位系統
另外, The New Black Optical 亦於荃灣店正式引入 Zeiss VISUFIT 1000 數碼3D中心定位系統,呢部智能光學測量儀器可以喺3分鐘內將客人嘅眼晴焦點、眼鏡與眼球距離、角膜位置等等一次過記錄低,並將所有圖像數據化,簡單快捷地提供精準數據。然後,利用專用app自動計算出鏡片的中心定位,令配戴眼鏡後嘅影像更加清晰,減少新鏡片所帶來嘅暈眩及不適感覺。