最近好流行日系文青眼鏡，因為日本眼鏡一向係品質嘅保證，特別係手造眼鏡配合咗傳統工藝製法，無多餘嘅裝飾或者誇張嘅線條，款式睇落簡約、永恆不老！每條樸實曲線背後都係久經錘煉，而近年多咗好多日本新一代設計師品牌崛​​起，承襲老一輩嘅設計理念，同時融入現代潮流元素，喺經典的曲線中帶出精緻感。而本地日本手造眼鏡名所 The New Black Optical ，專門引入日本人氣手造眼鏡品牌。繼旺角店、銅鑼灣店後，即將於荃灣開設第三間分店，選址位於荃灣如心廣場2期，佔地面積超過三千呎，成為目前為止最大的旗艦店！

#超過40個日本手造眼鏡品牌

全新荃灣分店成為新界區最大、最多、最齊嘅日本手造眼鏡選購專門店，引入超過40個日本手造眼鏡品牌，當中包括日本最具代表性嘅時尚百貨公司 Parco 旗下嘅 The White Screen 、日本皇室御用眼镜品牌 MASUNAGA 增永眼鏡、日本藝人熱棒嘅 BJ CLASSIC ，其他仲有 Native Sons 、 EYEVAN 、 金子眼鏡 、 999.9 、 Stancey Ramars 等等，當中 The White Screen 更係從未喺海外正式代理， The New Black Optical 係日本以外唯一嘅海外代理店，款式自然相當齊全，超適合日本眼鏡嘅愛好者！

#Zeiss VISUFIT 1000 數碼3D中心定位系統

另外， The New Black Optical 亦於荃灣店正式引入 Zeiss VISUFIT 1000 數碼3D中心定位系統，呢部智能光學測量儀器可以喺3分鐘內將客人嘅眼晴焦點、眼鏡與眼球距離、角膜位置等等一次過記錄低，並將所有圖像數據化，簡單快捷地提供精準數據。然後，利用專用app自動計算出鏡片的中心定位，令配戴眼鏡後嘅影像更加清晰，減少新鏡片所帶來嘅暈眩及不適感覺。

#專業級驗眼服務

專業嘅視光師由視力測試到驗配鏡片都非常耐心講解同指導，而且驗眼儀器新穎齊備，帶嚟細緻精準嘅驗眼服務。

#日系文青風裝修

佔地面積超過三千呎嘅新店以日系小清新風裝修，樓底又高，整體感覺充滿空間感。全店以木質為主調，營造溫暖感、簡潔嘅悠閒購物空間，可以慢慢揀同試戴眼鏡，揀到啱心水為止～仲有個好啱打卡嘅窗口位添啊！

The New Black Optical
地址：荃灣如心廣場2期212號鋪
詳情：https://www.thenewblackoptical.com/

延伸閱讀：

【近視900度小編實測！SMILE激光矯視全解剖！30分鐘神還原清晰視力！】

【超自然大眼效果！KAKAO FRIENDS推出彩Con系列！超適合新手用哦～】