點解世界咁唔公平？女人又要生仔、仲要個個月嚟m！條命生得好啲，都有機會嚟m唔痛，或者經血量比較少；生得唔好喇喎⋯真係有想切子宮嘅衝動！不過都冇得怨，鬼叫自己係女人，只好搵方法令自己每個月嚟m都可以少啲麻煩！最近有網民就推介咗幾個防「 漏M 」大法，各位妹豬快啲睇下啦！

#防「 漏M 」大法一

有網民教路，只要將紙巾對摺再對摺、變成長條小棉條，再放係pat pat中間自然夾緊，就可以完美解決 漏M 問題！佢仲提醒大家，要用質地柔軟嘅紙巾，以免有異物感。

熱心網民分享完之後，就有唔少妹豬都話自己有用同樣方法，而且效果好好！有啲人仲話係阿媽教落～大家下次嚟m可以試下～

#防「 漏M 」大法二

「T字M巾」依招真係大技，因為要一次用兩塊M巾！一張好似平時咁用，另一張就打橫貼係底褲屁股位置，真正做到大範圍防止漏M悲劇！不過就要用double量M巾，好似好貴咁⋯

#防「 漏M 」大法三

認真，依個係小編覺得比較好嘅方法，就係用「防漏M底底」 。首先可以清洗，循環再用。而且就算經血唔小心漏出M巾範圍，都有防漏M底底頂一頂，唔使直接滲去褲仔到。不過記得係嚟m幾日用就好，平時唔好著，因為冇咁透氣。

圖片來源：Pinterest

延伸閱讀

【日本No.1天然無添加「 祛痘神器 」精華！美肌溫泉水成份！】

【免挨餓一個月狂甩4公斤！韓日大熱懶人無痛瘦身法「442減肥法」！】