日前,無綫就舉行記者招待會介紹九大綜藝節目,與VIuTV打對台。不過節目《開心大綜藝》未出街已經出事,事因當日藝人鄧智堅在記招上惡搞人氣男團MIRROR成員姜濤,不但自稱「薑蓉」,更邊跳邊唱出姜濤《蒙著嘴說愛你》歌詞「So I say I love you」,以及「姜B餐」急口令,抽水的行動惹來大量「姜糖」不滿,形容TVB行為「低質又肉酸!」。
除了扮姜濤的鄧智堅外,馮盈盈、麥美恩和林盛斌也同時遭到姜糖們洗版鬧爆!事因當日「薑蓉」出場時,馮盈盈就對扮姜濤的鄧堅智堅狂鬧「嚟踩場?」、更揚言「打到你變薑蓉﹗」,麥美恩也多番出手打「姜濤」,而林盛斌則附和大叫:「o趙佢!打佢!」
姜糖見到就當然嬲爆!而為了解救這場關公災難,馮盈盈今日就於IG上出POST,不但晒與姜濤的舊合照,又上載以前與麥明詩和江嘉敏一同欣賞Mirror演唱會的短片,極力證明自己是姜糖。
馮盈盈又在文中和鄧智堅割席,「嗰啲甚麼姜蓉!?就算再扮得幾盞鬼,就算再向我姜B致敬 ,就算香港人再多幽默感,(我)都接受唔到囉」。馮盈盈甚至揚言「今晚我實打多兩碗姜蓉撈飯食,咁先吞得落呢啖氣」
對於馮盈盈的做法,網民就唔係好受落囉~不少網民就留言「你都係早啲返去瞓啦」「算鳩數啦你」「咁講係冇用㗎」「真係好撚肉醋」,甚至連路人都看不過看,留言「以為得我會覺得好撚假,原來個個都覺得,笑9完人,係到扮無辜,無撚病ma?」
對於這份事,姜濤今日(27/3)現身演唱會記者會時也有出面回應,「希望大家以輕鬆心情去睇呢件事,都唔係好大件事,Artist都係為咗令大家開心,所以我本人真係冇任何介意。」對於有粉絲湧入馮盈盈等人的社交網留言炮轟,姜濤更為此行為致歉「希望藉住呢件事,令更加多人留意MIRROR」「部分Fans係會比較激動啲,所以都要同大家講聲唔好意思,影響到大家。」
至於被問到有冇留意馮盈盈、林盛斌出帖道歉一事,姜濤就回應已經知道,同時他就形容「唔需要(道歉),好小事,未到要道歉的程度」,更說「我都代我粉絲同大家講聲唔好意思,打和打和。」