人氣男團 Mirror 成員位位跳得又唱得就人人都知，但你又知唔知原來佢哋係演戲方面都有一定實力？繼先前Edan同Anson Lo主演嘅《大叔的愛》爆紅之後，有份參與近期新劇集《超感應學園》嘅姜濤同樣地被讚演技好，而最近又有好消息流出！就喺 Jer  (柳應廷)同 姜濤 決定攜手出演英皇電影嘅最新作品！電影除左喺彭秀慧導演相隔四年之後嘅新作之外，仲會連同影后毛舜筠一齊合作拍攝，陣容非常鼎盛！

 

#Jer、姜濤@ Mirror 確定出演新電影

新電影據聞會由英皇電影投資，彭秀慧導演透露今次劇本會以經理人花姐作為靈感，以經理人照顧明星大小二事為主要情節。毛舜筠會飾演經理人嘅角色，姜濤就會擔當仔仔一角，而戲入面嘅大明星就喺由Jer飾演啦！不過由於戲中經理人差唔多所有時間都投放咗喺自己藝人到，而大大減少咗同自己仔仔一齊相處嘅時間，唔知佢哋三人會係電影中擦出咩新火花呢？

#Jer@ Mirror 坦言非常開心，慶幸姜濤幫佢去除緊張！

Jer 喺接到可以參與新電影嘅消息後興奮到不得了，佢憶述當經理人花姐同佢講成功試鏡後，佢即時開心到唔識點俾反應！雖然喺第一次出演電影，亦都好少有呢方面嘅經驗，但 Jer 話希望可以俾大家睇到佢最好既一面！

另外，佢亦有講到自己比較慢熱，去到排練嘅時侯會成日覺得有啲緊張，所以好慶幸成員姜濤喺佢身邊一齊練習同傾計，先至紓緩到緊張感咋！佢都提及有姜濤既陪伴可以令到兩個人慢慢成長，呢份兄弟情真係恨都恨唔黎！柳柳粉同姜糖記住俾多啲支持同鼓勵佢哋啦！

Source: Instagram

延伸閱讀

【Anson Lo@Mirror最愛之一！Bvlgari B.zero 1首飾系列！型格同款推介！】

【為游泳劇《i.SWIM》密密操肌！Edan、Stanley@ MIRROR 參演 ViuTV 新劇！可以大飽眼福啦！】