女神李佳芯(Ali)自從同拍拖 7 年嘅陳炳銓分手,就一直冇對外公開感情狀況~不過早前就有傳媒拍到 Ali 同 52 歲「 蟲草大王 」陳恩德喺酒店密會,而兩人亦已經對此作出回應~
#李佳芯同52歲「 蟲草大王 」酒店密會?
Ali 早前被傳媒拍到同陳恩德現身於 Ritz-Carlton 酒店,上樓密會約兩小時後,就坐上陳恩德名下嘅七人車離開~
對於今次嘅緋聞,兩人都否認拍拖,並解釋當日喺酒店只係一齊食 lunch,以及討論關於微電影合約問題(陳恩德打本比 Ali 執導微電影)~傳媒朋友問兩人會唔會有發展機會,陳恩德就話「自己都想,記者幫手安排下」,之後又話只係講笑;而 Ali 就非常斬釘截鐵咁講「不會了」。
#有傳陳恩德一年前已經開始追Ali?
據知陳恩德嘅髮妻前年因病去世,舊年陳恩德經朋友介紹認識 Ali 就一見鍾情,仲話要力捧 Ali,令佢事業更上一層樓!
#其實邊個係「蟲草大王」?
佢其實係仍志集團創辦人兼御藥堂前主席,靠蟲草起家,所以外界都叫佢「蟲草大王」~係啊,果句超經典洗腦對白「藥箱都變成首飾箱」,就係佢諗~兩年前佢賣咗公司,套現數億元,之後再以仍志集團主席身份涉足唔同業務,最近廣告得好勁嘅「寵物藥妝」都係佢的~
圖片來源:aliaime@Instagram、蟲草大王 陳恩德@Facebook
延伸閱讀
【新一代嘻哈男神!你要知道Tyson Yoshi的4件事!】
【Mirror成員多張肌肉J圖合集!不過有三位冇份⋯】