鏡仔今舖真係紅到去日本!前排日本電視台 NHK 係晚間新聞時段嘅「國際報道」欄目,播出長達逾 4 分鐘專題嘅 MIRROR 報導!內容剖析 MIRROR 爆紅原因,仲搵咗鏡粉同香港大學講師做訪問!In 鏡仔 We Trust!
#日本NHK 4分鐘MIRROR專題報導
報導仔細敘述 MIRROR 由 3 年前選秀節目出身,到依家出席所有公開活動都萬人空巷嘅畫面~旁白君仲話,鏡仔紅嘅程度已幾乎可稱爲社會現象!
報導中仲表示,香港過去 20 年都冇出現過咁紅嘅偶像,而鏡仔會紅正正因為夠著重本土發展;大部份香港藝人累積人氣後,就會轉投中國市場,不過MIRROR就冇咁做~香港大學社會學系講師黃培烽受訪時,亦提到 MIRROR 某程度上投射咗香港嘅社會氛圍:「對於香港失望嘅人可以有個出口,可以通過佢哋(MIRROR)睇到共同價值。」
NHK 仲搵到兩名鏡粉做訪問,其中一位表示「MIRROR風格特別,係本土嘅香港文化所以要支持。」,另一位神徒則透露 MIRROR 係自己嘅精神寄托,以及佢堅持落去嘅動力。
圖片及資料來源:NHK
延伸閱讀
【與粉絲Unicorn的信物!Jeremy@Mirror代言Swarovski獨角獸首飾!】
【內外兼備嘅偶像!12句熱血治癒心靈MIRROR金句!】