ViuTV選秀節目《全民造星IV》參賽者Ash（鍾卓穎）日前承認同台藉老公阿龍離婚，同一時間有網民影到平安夜當晚Ash與MC張天賦孖住行超巿，一度傳出緋聞。事隔兩日，阿龍剷去與Ash嘅合照，不但大數前妻絕情，更爆出自己收咗Ash六萬新台幣（約港幣$17,000）同埋簽咗法律文件被禁止再聯絡Ash。
《全民造星IV》81號參賽者23歲嘅Ash鍾卓穎喺節目中憑動人嘅歌聲同甜美樣貌俘虜唔少網民嘅心，即使被淘汰都人氣大熱，亦在播出期間被爆出係人妻，不過就話得到老公支持追夢，但近日Ash被網民爆出已同台灣嘅老公簽紙離婚，結束咗1年嘅婚姻，更加爆出唔少黑歷史相！
