ViuTV選秀節目《全民造星IV》參賽者Ash（鍾卓穎）日前承認同台藉老公阿龍離婚，同一時間有網民影到平安夜當晚Ash與MC張天賦孖住行超巿，一度傳出緋聞。事隔兩日，阿龍剷去與Ash嘅合照，不但大數前妻絕情，更爆出自己收咗Ash六萬新台幣（約港幣$17,000）同埋簽咗法律文件被禁止再聯絡Ash。

#MC否認緋聞

網民影到平安夜Ash與MC張天賦行超巿，MC向記者否認與Ash嘅緋聞，表示兩人只是普通朋友關係，不清楚對方感情狀況，平安夜當晚只是一起參加Party。

#前夫在MC開live時留言

有眼利網民發現昨晚MC開live嘅時候，前夫突然留言話：「如果你真的喜歡Ash，就要好好對她！」。阿龍不久之後喺限時動態向MC道歉，話自己留言只係一時衝動兼失控，惹嚟大家誤會。

#曾被封「最痴情前夫」

曾被網民封為「最痴情前夫」嘅阿龍曾貼出與Ash嘅甜蜜舊照，更話「希望變成更好的自己再重新追求你」。

#態度180度轉變，鬧前妻絕情

但事隔兩日，阿龍態度突然間180度轉變，不但埋怨前妻Ash無情，更在限時動態講「鍾卓穎我恨你，就連最後妳也不來送機，一通電話，一條短訊都沒有，真的很絕。」。

#自爆收六萬台幣簽法律文件

後來，阿龍更在開live時爆出由於自己香港賺嘅錢畀晒Ash管理，而Ash畀咗6萬蚊新台幣佢當機票同酒店錢。阿龍又話簽咗法律文件，條件係唔能夠聯絡Ash，網民紛紛鬧爆Ash，覺得咁對前夫做法太過不近人情。

 

圖片來源：鍾卓穎@Instagram、龍龍龍@Instagram、LIHKG截圖