前日(30號)就是香港小姐決賽,最後就由8號謝嘉怡奪冠。當晚,除了一眾佳麗外,台下的女星也是觀眾們的焦點。而其中久未露面的麥明詩,今次就作為「最上鏡小姐」評判出席,一身黑色tube dress的麥明詩大秀好身材,被一眾網民讚爆。
當晚,麥明詩前男友林作也帶同女友裕美出席。之後,就有傳媒報導指裕美「平平無奇」,而麥明詩則「艷壓群芳」。林作昨日凌晨就出post撐女友,指「裕美真心靚過麥明詩好多,身材也更優勝。素顏顏值也絕對一流。絕非平平無奇,可謂波濤洶湧。今晚乃來當觀眾而已,難道要著到黎選美咁嗎?」,公開比較前任和現任女友的身材。
網民見到林作這種行為都十分反感,更大駡林作無品,認為公開批評前度十分沒有風度。「作為一個男人,咁樣去話自己嘅前度女友,真係好冇品,好少家,一啲風度都冇,不知所謂」「冇骨氣,成日消費ex來提升知名度」「靚唔靚見人見智姐,不過咁樣公開批評前度,就肯定無品囉」。
不過裕美昨日就連出兩個post回撐男友,讚林作作為男朋友「完全知道點樣令自己女朋友安心」,更反問女網友:「如果你係我,你俾人踩到咁,係咁將你同人比,你男朋友都一言不發唔替你平反,唔認為你係佢心目中最靚嗰個,咁呢位男朋友你可以飛左去。」
不過網友反駁,林作撐女友是沒有錯,不過最不應該是把麥明詩施下水,以為「佢覺得你靚,根本吾需要公開講,亦不需要作比較,外人將你同佢前度比較,係人地嘅事,但林生將你地兩個比較,就係林生人品質素有問題。」「為你平反時都可以完全唔提ex的,但林作就非要好小學雞咁又將ex拉埋落水,所以咪畀人X囉。」
Source: FB@林作、裕美Hiromi