做打工仔賺份糧，唔通成世都想做打工仔咩！人生準備好Plan B，先有機會令財務自主，唔使俾生活控制人生～亞洲富爸爸尖Sir（范俊儉）今日就同大家分享3大心態去達到財富自由，心態決定境界，大家快啲睇落去啦～

#1 「偷懶」

偷懶的意思唔係乜野都唔做，而係把花喺Plan A 嘅工作時間有效率地縮短，預早完成手頭上嘅工作，令你有更多額外時間發展Plan B！賺取主動收入同時，亦能不斷增加被動收入，雙線並行！

#2 以自己作為老闆嘅心態

脫離打工仔心態先可以不斷向上前進，訓練老闆思維，任何事都要做到全力以赴。積極進取和創新、勇擔責任、實事求是，好似老板一樣思考同行動，未來先可以成為有潛質嘅主導者！

#3 唔好有賺快錢嘅心態

追求穩定而長久嘅被動收入，因為通常金額大嘅快錢都係快嚟快去，風險大又唔穩定，容易影響你原有嘅本金！將被動收入慢慢滾大，比賺快錢更加重要，就算你突然沒有了工作，也會有穩定的收入維持生活。

想了解更多有關被動收入嘅小知識，記得讚好 財富自由學 Wealth Easy Talk Facebook專頁啦！