藝人張致恆(Steven)最近醜聞不繼,自被????模馮鎵瀠(Naomi)公開追債後,不但被爆多次欠債不還,更被指停用電話和搬屋以着草避債!但近日,張致恆老婆雯雯就在IG發千字文,不但回應着草疑雲,更反斥債主Naomi,指自己一家已經被逼上絕路。
張致恆(Steven)最近陷入經濟困境,被指曾到處向親戚友人借錢。但借後就以財務問題遲遲不還錢,但就被發現和妻兒搬入石崗月租約17000元的地下連花園村屋單位,愈住愈富貴。而債主之一的NAOMI更在IG開文公開追債,直斥「點解有錢請工人,有錢買新電器,但無錢還返俾我?」
而昨日(14/3),張致恆老婆雯雯就在IG發千字文回應。一開始,雯雯就Naomi借出兩萬元表達謝意,並為遲還錢致歉。之後,她就澄清自己一家並沒有消失「走數」,更自爆自己一家為還錢不惜去借財仔,「我哋去到絕路已經去咗借財務,去還一半錢畀你先,好抱歉我哋冇能力一次過還清2萬蚊畀你,我哋亦已經承受緊我哋要承受嘅,畀財務貼街招甚至追上門。但係我依家喺呢度答應你,我一定會用盡我嘅能力兩個月內還埋呢1萬蚊畀你。」
但之後,她就直斥NAOMI不應為追債騷擾她的家人,更直言她的家人是無辜的,要追數就直接找她們一家四口,「你要嬲要追我哋還錢可以嚟搵我哋一家四口,但係點解叫我哋還錢嘅時候,要用我屋企人嚟威脅我哋去還錢俾你,點解要講到搵人去騷擾我嘅媽媽拎返屬於你嘅錢。你有咩不滿可以嚟搵我,希望你可以放過我嘅家人」
之後她就回應愈住愈富貴,有錢不還錢的傳言。她就解釋其實她們一家的生活並不富貴,指住村屋住得好遠又偏僻。對於自家既有請工人,又有養狗的事情,她就回應自己已養了狗狗8年,陪伴自己已久,就算沒有經濟能力也不會棄養。而家中的工人就是兩年前已經請了的。
而雯雯更透露張致恆已經開始有工開,每次收到報酬後都會逐一還錢給親友。但就對於自己買玩具給兒子進行反擊,「「我買玩具俾我小朋友..唔通我喺美國嘅親戚,甚至我香港嘅朋友又或者家人,佢地畀一封利是,叫我買嘢食買個玩具畀我嘅小朋友,我都有罪?我係爭人錢,但係咁樣係咪代表我唔可以生活唔可以生存?我兩個小朋友咁細,係咪就唔可以有佢哋嘅童年?」
最後,雯雯就承諾會還錢予所有幫助過他們一家的人,希望大家可以俾少少時間空間他們一家,但她也同時強調還錢的大前提為「每個月可以生存到之餘亦可以去逐一還返錢俾你地。」
Source: IG @stevencheung, @naomifky, @aumanmannnn