MIRROR 成員呂爵安 (Edan)絕對係隊中嘅全能隊員之一,除咗唱跳了得之外,仲擁有港大工商管理學學士學位,簡直係文藝雙全! 而且 Edan 份人仲好有觀眾緣,因為佢成日喺 IG上面會post啲自己嘅搞笑相,上唔同嘅綜藝節目個陣仲會唔顧形象咁玩,完全冇偶像包袱,搞笑又貼地嘅佢因而吸引到一眾粉絲。
但近日網上有一位疑似 Edan 嘅前女友控訴 Edan曾出軌。事緣,前女友喺 IG 上面 post 咗張訂婚照片,有人喺照片下 tag 咗 Edan 嘅 IG 帳號,而女方留言回覆:「不如尊重埋我,其實戴完帽(被出軌)後都唔會想理佢感受。」
留言被爆出之後,女方已經秒速刪走疑似comment。不過有網民翻出佢哋分手時嘅 IG story,從內容中可以睇得出雙方喺和平分手,雙方都指出將以朋友的身份陪伴大家,女方言語間中透露分手嘅原因喺為咗俾 Edan 專心追夢而分開。
分手後女方似乎發現咗啲嘢,然後喺IG上控訴 Edan 出軌。而佢亦為自己澄清自己並冇 匿名講過男方半句不是,對於網民嘅留言更喺無懼怕。
消息一出,討論區上有不少自稱係 Edan hallmate 嘅人留言表示 Edan 大學時期已經不受歡迎。但亦有留言表示,女方控訴 Edan 出軌但並未有俾出實際證據支持,懷疑係搏上位。
事情嘅真假只有當事人先會知,而且件事係 Edan 嘅私事,相信 Edan 有能力處理好件事,粉絲們就俾啲空間佢吧~
Source: LIHKG