近日，《ERROR自肥企劃》可以說是最紅嘅節日之一，內容搞笑又好玩，看到人笑唔停口！而Error中的193（郭嘉駿）雖身材高大又靚仔，但相對於優秀嘅外型，佢搞鬼古怪嘅更留俾人深刻嘅印象！

《花姐Error遊》中見到佢又怕黑又驚小動物，而《考有Feel》中又見到佢茅招盡出，被封稱為「茅躉王」！本人又經常「語出驚人」！可以話每次見到佢都會發現佢唔同嘅一面，真係睇緊都好有驚喜！

而近日，193 又在《ERROR自肥企劃》俾驚喜家！老實講，雖然193身材高大，但好少俾人運動健將嘅印象，但其實佢係！

《ERROR自肥企劃》運動大決戰中，Error隊同幕後製作團隊就要進行三回合嘅運動比賽。而幕後製作團隊中有唔係運動好手，自信滿滿嘅佢哋深信可以完勝ERROR！

第一場射籃比賽中，兩隊分別要在五個定點位置鬥快射籃。Dee姐先射籃底，保錡射罰球線，肥仔底線零度位置，三人都輕鬆過關～而最高難度嘅三分線交由193負責，點知193一面輕鬆，一球就神準命中！而且動作十分流暢，一氣呵成！真係「行家一出手，便知有沒有」！超帥的！！而之後挑戰更高難度嘅半場位置都難唔到佢！只見三爺試射二次調整位置，第三次已經一球入籃！強！

而原來193從小到大都係一個運動健將，小學時曾參加麥當勞青少年足球計劃，升上中學後又入選籃球校隊，甚至曾經係南華籃球少年隊成員！193真係每次都俾到驚喜俾大家！期待佢同Error之後主持即將上演的歐洲國家盃賽事！！

延伸閱讀：

【193扮女人毫無違和感！ERROR cosplay《EVA》還原度超高！一出場就炸Sound Bear！】

【可帥氣可搞怪可可愛！10張精選ERROR@193帥氣手機桌布！193條長腿點影都長！】