一年一次慶祝生日，當然要隆重其事啦～每個女仔都想收到一個可愛又打到卡嘅生日蛋糕，本地蛋糕品牌Arte by Padaria 推出客製化造型蛋糕，以可愛小熊造型為題，適合女士們生日或小朋友百日宴等節日慶祝！蛋糕上嘅立體熊熊用糖皮製作，可保存半年作裝飾。而蛋糕底選用草莓蛋糕，配上酸酸甜甜嘅草莓醬，甜而不膩，令人一啖接一啖，味道超上癮！得意又好味嘅生日蛋糕，真係無人會唔鍾意啊！

立體造型蛋糕完美還原熊bear bear嘅可愛模樣，全人手製作，做工非常精緻，連熊仔縫線位都整到出嚟，真係好似一隻真嘅熊熊公仔坐喺蛋糕上面！除咗小朋友百日宴，其實唔少女仔都係熊bear bear嘅fans，屋企都會有隻由細跟到大嘅熊熊公仔，所以呢款客製化造型蛋糕都好啱女士們㗎！

另外，Arte by Padaria 仲有一款玫瑰花鏡面蛋糕，同樣好適合打卡！有超大個立體玫瑰花，蛋糕主要以朱古力為蛋糕的主調，選用了 72% 朱古力，內層加入新鮮的紅桑子醬以保持蛋糕適當的酸度，酸甜適中，像熱戀中的甜蜜關係。而蛋糕底部配搭層層的朱古力薄脆片，軟脆口感交替。


男士們送真花不如送玫瑰花蛋糕，睇得又食得，仲可以呃like，吃貨女朋友一定鍾意～玫瑰花全人手製作，手工細緻有心思，第一眼真係以為係真花，好靚啊！

Arte by Padaria
網站：https://www.artebypadaria.com/
Instagram: https://www.instagram.com/artebypadaria/

Photos by GOBA Beauty