LIFESTYLE 優閒生活3 years ago
秋天必去浪漫露營！香港2個即去即住營地！波希米亞風閨蜜打卡聖地！
呢排天氣好啱去露營，不過次次都要拎一大堆嘢真係好唔方便，最好就唔使左一袋右一袋咁去啦～今次小編特意為各位姊妹揾咗兩間本地露營地點，乜都唔使帶，帶個人，同埋少少防蚊產品，已經可以開心去露營！收費仲好合理添！ 1.YHA昂坪圓帳營豪華露營體驗 地址： 大嶼山昂坪 由青年旅社協會提供的露營地點，以波希米亞風作帳幕主題，營地已預先撘好帳營，床舖，營燈，小茶几，亦供共用廚房及廁所使用，一個帳營最多可容納10人，不過就唔包食物，你可以選擇買嘢食過去，買食材過去煮嘢食或bbq，亦可以選擇購買YHA嘅DIY早餐食材，朝早可以嚟個煮飯仔！ 收費： 1至4人 – 港幣920元起 訪客可即時申請YHA會員，入會費為150蚊一年 2.貝浪營舍 地址：大嶼山貝澳泳灘 貝浪營舍有3種帳營，包括田園休閑區，海景休閑區及豪華休閑區，每個營區嘅容納人數不一，小編就介紹下田園休閑區啦，田園休閑區可容納4人，已提供住宿所需，包括床，雪櫃，風扇，煮食用品等，另外亦提供滑浪浮扳，直立式單槳滑浪扳，大家就可以到附近滑浪啦！大家亦可以預購營地嘅bbq套餐，咁就連食物都唔洗帶啦～ 收費： 4人田園休閑區 $2,200一晚 6人海景休閑區 $3,480一晚 8人豪華休閑區 $4,000一晚
