TRENDY 全城熱話3 years ago
女生消費券攻略！ 聰明一招「套現」想買乜都得！買iPhone換現金Work嗎？
電子消費券終於開始派錢，優惠多到眼花撩亂，好多姊妹都心大心細唔知買乜好，到底同閨密們去放鬆relax下，定買過部新電話好呢？不過小編亦都聽到有sis研究緊，可唔可以套現消費券。 網上流傳咗4個套現消費券的方法： 1.買現金券（包括超市現金券、點數卡等）再平少少賣返出去。 2.去到有得免費退貨嘅舖頭，用消費券買嘢，之後退貨套現。 3.賣八達通，網上已經可以用4900蚊買已登記的八達通卡，甚至有代客消費服務。 4.炒賣，有人話可以買金、買新iPhone、遊戲機，再賣出賺差價。 不過政府已經多次提醒，千其唔好套現消費券！以為天知地知自己知，就算姊妹淘自己細圍買賣消費券，其實都有風險，亦都有機會干犯串謀詐騙罪。之前財爺陳茂波都話，如果有商戶同市民故意合謀套現，會列入黑名單，仲可能有法律後果。 其實要「套現」又唔犯法，都唔係冇計！首先所有平日消費，同埋買日常用品，防疫用品，都用咗消費券先，更加唔少得香水、化妝品，同埋護膚品，有消費券起手就可以鬆手啲啦，絕對唔係浪費！如果平日使費，都用消費券，變相就使少咗手上嘅錢啦。多出來嘅錢儲起佢又得，拎去買其他嘢又得，唔使焗住要用晒，咁先係高手套現！
