FOOD 吃貨3 years ago
放假同閨蜜Chill足全日！中環3間精緻文青Cafe！招牌日式士多啤梨三文治！
放假緊係要同好閨蜜出街玩啦，不過天氣咁熱唔想身水身汗，如果有個就腳的地方，可以舒舒服服咁坐一個下晝，有杯嘢飲，又可以傾下計，最好就可以打埋卡，你話幾好呢！咁啱小編又真係知道，有幾個地方，可以滿足晒以上咁多個要求！ 1.Between 呢一間餐廳喺大館入面，裝修風格以日式無印風為主調，空間感十足，影相真係冇得頂！佢哋仲設有戶外嘅用餐區，可以望住大館嘅建築，又係另一打卡位！ 地址：中環荷李活道10號大館賽馬會藝方2樓 營業時間：星期二至日 11:00 – 18:00；星期一休息 2.拾伍 FIFTEEN 呢間cafe足足有四層！有得食，有得影相，仲有得買日本古着！呢間係走日系復古風，着工裝風格嘅衫呢度打卡真係絕配呀！ 地址：中環鴨巴甸街15號地舖 營業時間：星期一至六 11:30 – 24:00；星期日及公眾假期 11:30 – 20:00 3.茶研 唔飲咖啡嘅朋友可以去呢度！呢間Cafe係以精品茗茶為主題，以頂級茶葉沖調茶飲及茶拿鐵。裝修風格以淡雅為主題，空間寬敞，光線充足。而且仲有素食餐點，食素嘅朋友都啱食！ 地址：中環皇后大道中31號陸海通大廈1樓 營業時間：星期一至五 08:00 –...
