TRENDY 全城熱話3 years ago
原來係混血兒！香港小姐2021大熱參賽者Kristen大起底！神似羅浩楷？
早幾日TVB舉辦新一屆 香港小姐 嘅首輪面試，依舊有唔少矚目佳麗去參選，當中數到討論度最高一定係Kristen（霍韻璇）！多間媒體嘅報導都可以見到Kristen嘅身影，因為樣貌「撞樣」多位男星，而被網民封為「女版阿Bob」、「女版羅浩楷」等。Kristen 報稱現年22歲、住喺東涌，原來佢係一名中國、西班牙及菲律賓嘅混血兒。面試時身穿一件低胸露肩吊帶碎花裙以及微捲及肩長髮，加上搶眼嘅粉紅色眼影同王冠頭箍，打扮與年齡不符的成熟，略顯老氣，網民更表示Kristen 有「大媽」嘅感覺！
