大家可能唔係好知 MOSCHINO 依個品牌,其實佢來自意大利,最出名一定係小熊包裝嘅香水,唔少歐美KOL都非常推薦!最近佢哋係中環IFC開咗期間限定店,仲推出咗超fancy嘅「TOY 2 Bubble Gum 泡泡糖香水」!
# MOSCHINO TOY 2 Bubble Gum 泡泡糖香水
MOSCHINO 創意總監 Jeremy Scott 嘅出品一向都好天馬行空,今次依款小熊香水更採用咗少女最愛粉紅色調,再加上品牌本身高貴優雅、時尚兼備嘅image,一推出就引來女士們瘋搶!
依款泡泡糖香水嘅香味非常獨特迷人,泡泡糖及柑橘蜜餞嘅甜美香氣、配合肉桂、香桃、黑加侖子同麝香等氣息,一聞真心令人難以忘懷~而且佢係以天然純素配方打造㗎!好有意義!
# MIRROR Ian陳卓賢都到場支持!
前幾日係中環IFC開幕嘅 MOSCHINO 香水期間限定店,特意邀請咗超人氣歌手 Ian陳卓賢@MIRROR 到場!場面只可以用「極墟冚」三個字形容~
Ian仲話,佢夏天嘅時候鍾意選擇果香或者花香調嘅香水,因為用完之後個人都會充滿活力!各位Hellosss如果想同Ian用埋同一款香水,就記得帶粉紅小熊香水返屋企啦~
補充資料
MOSCHINO香水期間限定店
地址:中環國際金融中心商場一樓1019B號舖
日期:即日至8月31日
現場仲有香水刻名服務!!
資料來源:MOSCHINO Hong Kong
延伸閱讀
【MIRROR導致婚姻破裂關注組 !5個爆笑鏡粉老公苦主小故事!】
【陽光男孩!MIRROR微笑男神IAN 5個隱藏魅力!】