香港最新一輯 CK 底褲廣告，可以話係震撼全城啊！教主同 AK 爆肌身材，令到 3 歲至 80 歲嘅女性物體都興奮度 MAX！不過 Mirror 入面唔係得二子有肌肉，基本上全團身形都好正～今日小編就搵齊 Mirror肌肉 J圖比大家，鍾意可以攞去做 wallpaper！

#選手一號 Alton

講到肌肉，點可以唔講 Alton 先啊，佢句「肌肉就是力量」咁出名～佢班 fans 仲叫「蛋白粉」，其實都真係幾可愛～

#選手二號 Anson Lo

教主一直都好大方咁 show 肌，所以爆肌J圖一大堆～不過小編都係最推薦佢係 MIRROR 「ONE & ALL」 LIVE 果陣嘅裝扮～若隱若現先正啊！

#選手三號 Ian

人哋 IanBB 貴為健身室老闆，身材就一定要 keep 得好好，做生招牌吖嘛！話說佢點解可以咁全能，又唱得、作詞作曲、運動又勁、笑起嚟又可愛⋯

#選手四號 Lokman

隊長跳開舞，有肌肉很正常吧～上次係 MIRROR 「ONE & ALL」 LIVE 果陣簡直係一脫成名！肌肉再加上佢胸前嘅紋身「nothing like your first」，真係 sexy 到癲～

#選手五號 Tiger

我哋嘅忙內仔仔 Tiger 平時唔太出聲，但一除衫就嚇親你！花姐之前仲爆料，Tiger 經常會翻睇自己show肌照，仲勁沾沾係到傻笑～喂啊，會唔會太 cute！

#選手六號 AK

同樣係跳舞出身嘅 AK，六舊腹肌真係睇到各位女士⋯⋯（下刪1000字18禁內容）除咗今次CK底褲廣告，之前係演唱會都已經除過衫～小編就覺得兩次都好正！

#選手七號 Frankie

唔好睇 Frankie 斯斯文文，佢之前為咗演唱會都練到好大隻！360度無死角美男＋爆肌身材，大佬啊，你玩晒啦依家？

#選手八號 Stanley

其實除咗 Alton，Stanley 都係團入面出晒名嘅肌肉男～同樣都係非常可口～（what？）話時話，幾時比多啲戲 Stanley 拍，小編覺得佢做戲好自然、幾好睇！

#選手九號 Edan

唔好見 Edan 成日搞搞笑笑咁，就以為佢一定好廢、係排骨仔！佢一脫都嚇親你啊！遲啲 ViuTV 套《i.SWIM》播出，肯定好多好嘢睇！

#圈外鏡仔 姜濤、Jeremy、Jer

無錯，佢哋 3 位就係比一堆肌肉佬圍住嘅小鮮肉～不過唔緊要啦，姜濤做咩都可愛！Jerjer 唱歌世一！Jeremy 超美型！我愛你哋！冇肌肉都唔緊要！

延伸閱讀

【擇偶條件公開！6個[email protected]隱秘小知識！】

【日本電視台4分鐘MIRROR專題報導！仲搵咗鏡粉做訪問！】