生完第三胎極速修身至45kg!天王嫂昆凌3招見效減重方法!紅豆水原來可以去水腫!

28 歲「天王嫂」 昆凌 一直都保養得宜,啱啱生完第三胎已經極速修身,恢復 45KG 超纖瘦體重,睇相真係完全唔覺得佢係 3 個小朋友嘅媽媽!唔怪之得周杰倫咁錫佢啊⋯小編係女人都忍唔住對住昆凌發出讚嘆聲!不過大家唔好羨慕,今日小編就同大家偷師,睇下昆凌用咗咩方法瘦得咁快!

#1 餵母乳

昆凌係台灣媒體訪問中表示,餵母乳可以自然消耗媽媽嘅熱量,同時增加身體代謝,所以對產後媽媽嘅瘦身大計好有幫助!不過依個建議就唔適合未生嘅少女參考⋯

#2 飲黑咖啡及紅豆水

昆凌曾經講過自己下半身特別容易水腫,所以佢會經常飲黑咖啡同紅豆水,咁樣可以排毒兼利尿,從而達到消水腫嘅功效!依個方法易實行,大家都可以試試!不過腸胃唔好嘅人就盡量唔好飲咁多啦~

#3 168斷食法

冇錯,係大家好熟悉嘅168斷食法~昆凌透露自己近年都有進行168斷食法,簡單嚟講,就係一日嘅飲食要喺 8 小時內完成,而淨餘 16 小時就要保持空腹。建議大家進行168斷食法期間要多攝取蛋白質,並減少攝取高熱量或糖分過高嘅食物,咁樣對身體會好好多!

圖片來源:hannah_quinlivan@Instagram

延伸閱讀

曾一度暴肥增20KG!鍾欣潼4大減肥餐單大公開!

40分鐘療程=跑咗30公里!尖沙咀超夢幻能量粉晶岩盤浴!

23日極速減掉5kg不反彈!《社內相親》金世靜分享減肥餐單!