同閨蜜去Glamping!5個隱世靚景打卡位!車頂睇日落超級Chill!

踏入秋天,點都要同閨蜜去Glamping,遠離煩囂,呼吸下新鮮空氣當去旅行!如果睇緊呢篇文嘅sis係新手,或者想輕便啲去chill下就啱啦!今次為大家介紹5個Glamping好去處,約齊人隨時行得!

  1. 長洲西園豪華露營體驗

 

鍾意睇星嘅朋友要留意啦!長洲西園營地有觀星圓拱屋,比大家攤喺張床就望個星空,渡過一個美好嘅晚上。仲有星海之森、南非營、蒙古包等房型,分別可容納4至9人。營舍有冷氣、冷熱水淋浴同行李寄存,快啲去玩返2日1夜或者3日2夜啦!

  1. 大嶼山長沙浪高長岸露營車體驗

 

鍾意玩水上活動,可以去距離東涌只係20分鐘車程嘅長沙,有豪華露營和露營車可以過夜,包埋豪華睡墊、傢俬,冷氣設備及充電插頭,對出就是長沙泳灘,可以租滑浪板、人體沖浪板、獨木舟和滑浪風帆等,趁天氣仲未好凍,快D盡情玩水啦,不過唔好以為天氣涼咗,就唔使做防曬,秋冬天太陽一樣會令你曬傷

  1. 西貢露營遠足慢活之旅

 

西貢咁大一日點玩得晒?鍾意行山嘅,不妨跟專業教練行下呢個國家地質公園啦,打卡一流!夜晚仲可以一齊睇星星、露營、煮野食。

4.西貢獨木舟露營體驗

 

西貢有好多珍貴又獨特嘅自然環境,仲有1億4千萬年前的火山岩石,仲可以用划獨木舟近距離睇,呢啲打卡相唔係個個都有機會影到架!提早預訂,仲有埋早餐、晚餐、睡袋、露營營具等,隨時去玩都得!

5.Jeep 車頂露營體驗

 

車頂露營大家以為外國先有?喺香港無車牌都去到車頂露營㗎!有公司會安排工作人員揸車送你到指定地點,幫各位姊妹set好晒所有嘢,包括廚具、gas、露營冰箱、餐具、充電器及已入滿水的20L戶外儲水器等。到時坐喺車頂睇日出日落,一個字,chill!

Source:KKDAY