12子拆夥傳聞網民反應兩極!Mirror「上弦」、「下弦」戰力分析?鏡粉永遠愛你哋!

Mirror 貴為香港首席天團,自然人紅是非多~最近有傳聞話鏡仔會拆夥發展,其中一位網民仲話 12 子一直都分成「上弦」同「下弦」,以此分析拆夥機會。

#Mirror係咪會拆夥發展?

之前《調教你Mirror》播出之後,大家都知道 12 子無論係性格定係未來發展都好唔同~花姐甚至喺節目入面坦言有成員認為佢偏心,將重心擺喺單飛成員身上。或者因為好多類似消息傳出,所有就慢慢有「鏡仔拆夥發展」嘅傳聞傳出。

不過網民對於 Mirror 可能拆夥嘅反應都唔太一樣,有人認為依家基本上同獨立發展冇分別,但都有人認為家下鏡仔紅到咁,根本冇理由會拆夥。

#咩係上弦下弦?

有睇動漫《鬼滅之刃》嘅朋友仔,相信對依兩組詞語都非常熟悉~故事一直圍繞正義一方「鬼殺隊」同反派「12鬼月」,而「12鬼月」就分為 6 位「上弦」同 6 位「下弦」。簡單嚟講,就係「上弦」戰鬥力比「下弦」明顯優秀。當中再細分排位,例如最勁果位就係「上弦之壹」。

#網民口中Mirror 「上弦」及「下弦」

根據網民講法,Mirror 「上弦」就係姜濤、Anson Lo(盧瀚霆)、Edan(呂爵安)、Ian(陳卓賢)、Anson Kong(AK)同埋 Jer(柳應廷)。

而「下弦」就係 Lokman(楊樂文)、Tiger(邱傲然)、Frankie(陳瑞輝)、Jeremy(李駿傑)、Stanley(邱士縉)同埋 Alton(王智德)。

圖片來源:[email protected]

延伸閱讀

CK底褲廣告震撼全城!Mirror成員多張肌肉J圖合集!

與粉絲Unicorn的信物![email protected]代言Swarovski獨角獸首飾!