屯馬線cafe推薦!九龍城戰前騎樓超復古活化cafe!必叫雞蛋仔與雞!

屯馬開通真的很興奮~~屯馬線已經開通咗一段時間,依個時候先係去玩嘅最好時機!因為熱潮已過,肯定少人好多!今日帶大家去到九龍城嘅 大和堂咖啡店 ,依間 cafe 超古色古香,而且食物都幾高質!

# 大和堂咖啡店 原來前身係⋯

原來 大和堂咖啡店 前身係擁有 86 年歷史嘅中醫館「大和堂蔘茸行」,唔怪得一望就覺得勁有歷史感!佢係屬於香港戰前唐樓地舖,係非常典型嘅廣州騎樓建築物!

2018 年果陣活化為 大和堂咖啡店 ,但入面保留咗百子櫃、牌匾、舊式鐵閘等歷史痕跡,入到去就好似返咗舊香港咁~鍾意歷史嘅朋友仔,一定要去!

#小編推薦必叫menu

除咗打卡之外,一間 cafe 嘅食物都非常重要,係會直接影響到你全日心情!佢哋有一款必叫熱食「雞蛋仔與雞」,真心超有創意!

依款「雞蛋仔與雞」有名你叫,因為佢真係以港式雞蛋仔配炸雞!而且仲搭配薑汁糖漿!口感豐富之餘,雞蛋仔嘅甜香加上超獨特薑汁糖漿,味道雖然新奇但其實好 match!

補充資料
大和堂咖啡店
地址:九龍城衙前塱道24號地舖
營業時間:(星期一至日)8am – 6pm
電話:2623 2006

圖片來源:大和堂咖啡店IG

延伸閱讀

2大必打卡位置推薦!香港超日式木質仙境庭院!

日本SNS爆人氣!大阪超可愛小熊羅馬生乳包!