女生也可輕易上手!港島3間新手高質菲林相機店!影靚相記錄心動瞬間!

同好姊妹出街玩,緊係唔少得金。要影一張靚相,首先要有一對精神醒目嘅眼睛,同埋一部順手的相機。除咗用手機之外,相信有唔少人都投入左影菲林相嘅懷抱。復古菲林相嘅光線同色tone都另有一番風味,更加係文青必備item。 以下3間香港島高質菲林相機店,包你搵到啱心水產品。

1.SHOWA Film & Camera

相信菲林愛好者對showa一啲都唔陌生,佢哋提供一站式菲林服務。店內以木系裝修,簡約風,絕對係文青之選~
佢哋仲有多款顏色、年份、型號嘅菲林相機畀大家選擇。店員仲好好會教你點樣用,新手完全唔洗怕。


地址: 銅鑼灣富明街寶富大樓1號1樓H (利舞台側)
營業時間: 星期一 至 星期日 : 01:00pm – 09:00pm

2.YatGyun一捲 菲林相機店

由一位熱愛菲林攝影嘅大學生開~為咗推廣菲林比更多人認識,店主搜羅左各地嘅菲林相機。
佢地嘅菲林由最普遍嘅Kodak,到比較冷門嘅電影菲林都有提供。而菲林相機貨源就主要來自日本同荷蘭,店耐除咗有較常見Canon等機款外,較罕有例如Agfa等歐洲機款都有。姊妹們得閒可以去西環睇吓。



地址: 西環石塘咀 山道66號 適安大廈2A地舖(香港大學站B2出口 斜路行3分鐘)
營業時間: 星期一 至 星期日 : 01:00pm – 08:00pm

3. KoBo Film Camera 高寶相機
店舖有大量中古攝影器材出售,鐘意復古版菲林相機就唔好錯過啦,相信照片影出嚟一定別有一番風味 !佢哋定價公道,大家可以安心選購啦。

地址: 旺角通菜街1A-1L威達商業大廈7樓703室
營業時間: 星期一 至 星期日 : 3:00-9:30pm *逢星期二休息