閨蜜飲酒Hea住Chill!3間隱世酒吧最啱講心事!玩味得來又不失格調!

有時想同閨密們放飲野傾計講下是非,又嫌一般酒吧有啲悶?香港有特色嘅酒吧真係唔少㗎,今日為各位SIS介紹三間偽裝技術超強嘅酒吧,真係行過路過都唔知係間吧嚟,原來飲酒都可以咁得意!

1.Foxglove

中環都爹利街6號印刷行2樓

如果係鐘意睇特務電影,會更加鐘意呢間酒吧!事關呢間酒吧外形十足十賣雨傘的舖頭,入到去都仲未見到酒吧㗎,要同店員講完,佢先會係接待處隔離拎起一枝雨傘,前面嘅隱藏式門先會打開,真係電影感十足啊!小編第一次去真係有少少驚哈哈哈。

 

在 Instagram 查看這則貼文

 

𝐅 𝐎 𝐗 𝐆 𝐋 𝐎 𝐕 𝐄(@foxglove.hk)分享的貼文

不過,驚喜仲未停,估唔到呢到除咗係酒吧之外,仲係中菜館,竟然有點心食!真係估您唔到啊!

2.Ping Pong 129 Gintonería
西環西營盤第二街129號南昌樓
如果覺得上一間酒吧太有格調,不妨試下呢間!入面燈光比較暗,最岩就係講秘密同心事。門口大大隻招牌寫住乒乓城,唔講以為係乒乓球室啊,門則仲寫住「專業教授乒乓球」等字眼,真係可以瞞天過海㗎。入到去仲有霓虹燈裝飾,好有香港味道。

3.Room 309

中環皇后大道中74號中環∙石板街酒店3樓309號舖

想去Staycation但又怕太陣仗,不如試下呢間酒吧!佢嘅特別之處就在於入酒吧之前要去check in!好似book咗酒店房咁,check in 完店員會俾一張房卡,你先入到去㗎!唔使下下都要畀幾千銀先有staycation的感覺,入到去仲有個位置俾大家禱告,好特別。


呢幾間好玩得來又不失格調的酒吧,一定要去試下,最好襯返隻岩tone嘅香水,就可以玩得更加投入啦!