可以吹出真・泡泡!日本大創斷貨雲朵造型泡泡相機!搵到香港有得買!

無論係邊一代嘅少女們,都喜歡用相機留影,最重要係景靚!人又靚!最近日本大創 Daiso 推出咗一款「泡泡相機」,咁咩係泡泡相機呢?泡泡相機即係一部雲朵造型(偽)相機,按快門時仲會吹出真・泡泡!真係超級無敵夢幻啊!

#日本大創Daiso泡泡相機

日本大創 Daiso 依款泡泡相機一推出就受到日本妹們瘋搶!仲要係一度搶到斷貨!大佬啊,平時影相想要泡泡飛飛下,都要搵多個人幫手,依家一按快門就可以搞掂!雖然唔係真係可以影到相,但用嚟做打卡神器都好抵!

#雲朵造型泡泡相機

本身泡泡相機就好有 gimmick 同意境,再加上雲朵造型相機,成件事就 perfect!真係夢幻到,如小編般男性化嘅女人,都忍唔住心心眼啊!日本大創 Daiso 真係好勁啊!

睇下~~滿天嘅泡泡啊~~

#香港有小店有得買

最近都冇得搭飛機去旅行,更加唔好講去日本大創 Daiso 買泡泡相機⋯小編幾經辛苦,終於搵到香港有 IG 小店可以幫手買到!大家如果想買,可以去 one last bite 查詢~

圖片來源:haru_kacamera、zaki_ko524

推薦相關文章:
免電池即曬相!日本櫻花粉色即影即有曬相機!
12mm超輕便!台灣超唯美尊屬紙相機!
少時秀英、俞利都有用!韓國超吸睛糖果色復古底片相機!