阿田高EQ回應!鍾培生杜汶澤隔空開火串對方!林作食花生!

全城矚目的「林鍾一戰」落實9月於Star Hall決戰,有報道指門票最高售價為三萬元,不少人聽到後都大感驚訝。身在台灣的藝人杜汶澤見到相關新聞後,忍不住在社交媒體分享此新聞,並留言:「有多餘錢,你會去睇有誠意嘅《一秒拳王》,定還是小丑打交?」。

杜文澤發文後,鍾培生隨即反擊自己是「慈善企業家打小丑」,而並非「小丑打交」,並發千字文暗諷杜汶澤所設立的OTT平台「喱騷」必定蝕錢做不住。有不少網民叫懂得空手道的杜汶澤跟鍾培生打過,但杜生自言學空手道並非用作打拳賽:「我係爛仔嚟,所以唔識打拳賽,淨係識打交㗎咋!」

鍾培生的千字文令到杜汶澤和太太田蕊妮前後回應鍾培生,而田蕊妮的回應更被網民大讚高EQ。阿田表示:「首先多謝自稱慈善企業家嘅鍾先生俾咗咁多寶貴嘅意見我哋lateshow個app同埋杜先生本人。當然我哋背後並無一個好勁嘅投資者,但係我哋有一班香港人,一班好愛香港嘅香港人!至於登記人數方面恐怕要令到鍾先生你失望!你冇比(畀)多左(咗)我哋,你係比(畀)少咗我哋!」

杜汶澤的回應則比較火爆,爆粗大罵「你點先證明到叻過我呀?你要死X咗佢,跟住再投胎,一出世好似我咁X窮,然後白手興家,咁先證明到嘅!明唔明呀!呢個世界唔係個個有資格做明星嘅,但係人人都有機會紅!你咁鍾意博出位,話俾你聽你而家紅梗啦,因為依家我降級X你!你就一定紅!」同時也在阿田的文章下留言「吖!你都幾好心機咖喎,寫咁多字」

而吃花生的林作則分享相關新聞,並嘲諷道:「鍾學埋曬林作⁩周圍辣火頭。為師表示:唔錯,有我三成功力」。