The Body Shop CP值超高限定新品!7款小資女必買聖誕交換禮物!買俾人自己用都好抵~

人愈大愈覺得過時過節,最重要係家人好友可以齊齊整整、簡單交換禮物食餐飯已經可以好開心!話說聖誕節又就快到,今年 The Body Shop 就預備咗全新聖誕套裝,俾大家可以呵護自己同時,又可以同閨蜜交換禮物~以下精選咗多款平價又高質嘅小禮物,小資女們唔使再煩惱去 party 要帶咩禮物交換啦!

#冬日必備The Body Shop護膚系列

冬天容易有唔同嘅肌膚問題,女孩子們一定要勤保養!再加上聖誕節收到護膚品,其實都幾開心,實用又唔使自己俾錢買~大家望望以下 2 款啱唔啱心水!

 

1. 天然營養面膜體驗禮盒 – 聖誕優惠價 HK$189(價值 HK$196)

依款禮盒裡面一共有 3 款面膜,當中包括竹炭排毒淨肌面膜、玫瑰水盈嫩肌面膜以及人參大米煥白亮肌面膜~每款都可以單獨使用作針對性護理,或者根據肌膚各部份嘅需要,自組面膜配搭都得!值得一提係,禮盒仲附送節日限量版星空髮箍,真係好可愛啊!

 

2. 茶樹潔淨護膚禮盒 – 聖誕優惠價 HK$139(價值 HK$163)

係 The Body Shop 最人氣嘅茶樹系列啊!裡面有茶樹潔面啫喱、茶樹潔面爽膚水同茶樹油~特別一提茶樹油係來自肯亞社群公平貿易,具淨化、消炎及抗菌功效,能有效對付暗瘡瑕疵、控制過盛油脂分泌,令肌膚保持潔淨清爽!

 

講多啲俾大家聽,The Body Shop 自 1987 年起推動社群公平貿易計劃,以社群公平貿易價格採購原材料,同時為不同社群帶來正面影響!而且茶樹護膚品都係純素護膚品,100% 純素主義者適用,真係好天然啊~

#The Body Shop季節限定系列

話明係聖誕,梗係要推出限定系列啦!「節日限量版迷你身體護理禮盒」(聖誕優惠價 HK$119 – 價值 HK$147)一見到個包裝就覺得好有質感,而且入面仲一次過包咗身體磨砂、身體潤膚霜同埋迷你沐浴球!

 

如果妳係可愛系女生,可以揀甜蜜野莓系列;活潑開朗嘅女生們,則可以考慮下熱情雲呢拿系列;俾較文青風嘅妳,就試下冬日茉莉系列啦!或者 3 款都買晒,同閨蜜 share 一樣冇問題!

#女士長年啱用身體保養系列

1. 果味花香潤手霜禮盒 – 聖誕優惠價 HK$199(價值 HK$234)

雙手保養都好重要!邊有人想自己對手爆晒拆㗎?依款禮盒精選咗 6 款超~香潤手霜,擦上手已經 feel 到質感輕盈,無時無刻都滋潤呵護住雙手~

 

禮盒包括:
英倫玫瑰潤手霜
芒果潤手霜
乳木果潤手霜
辣木潤手霜
士多啤梨潤手霜
杏仁奶蜂蜜潤手霜

 

2. 頭髮身體噴霧套裝 – 聖誕優惠價 HK$199(價值 HK$258)

唔知點解女孩子身上就係有種香味~今次依款套裝有「石榴紅莓頭髮身體噴霧」以及「椰子柚子頭髮身體噴霧」,石榴紅莓清新怡人、椰子柚子氣味甜美, 仲要兩款都係純素主義者適用!

#The Body Shop聖誕節限定驚喜小禮物

1. 節日限量版布丁沐浴球 – HK$49

好可愛嘅布丁造型啊!掛係浴室一定好得意~大家可以配合身體沐浴露或潔膚皂使用,有助起泡之餘,仲有去角質嘅功效!

 

2. 節日限量版星空髮箍 – HK$49
梳洗時唔想整濕頭髮,就戴上星空髮箍啦!宇宙藍再加上閃閃星星圖案,真係好有少女感同聖誕氣氛!

 

3. 節日限量版髮夾 – HK$49
仔細一睇,限量版髮夾印咗幾個英文字,包括 FEARLESS、UNSTOPPABLE、 BE BRAVE、EMPOWERED,全部都係宣揚女性自強嘅特質!女士們記得要自信滿滿迎接每一日嘅挑戰!

最後想話俾大家知,係慶祝聖誕嘅同時,The Body Shop 都冇忘記要關懷社會!今年品牌同本地機構和諧之家合作,為受家庭暴力影響嘅婦女及兒童提供輔導工作坊,幫助佢哋重建自信!由 11 月至 12 月期間,到 The Body Shop 購物或於 The Body Shop Facebook / Instagram 有關活動帖子上讚好、留言或分享,The Body Shop 就會為每個行動捐款俾和諧之家~買聖誕禮物俾朋友同家人之外,原來都可以同時貢獻社會!

 

了解更多 The Body Shop 聖誕禮物指南: https://bit.ly/36kkTPS
The Body Shop 限定官方網店: https://bit.ly/2JvWVZa