留喺香港過聖誕節好冇氣氛？咁你就大錯特錯！今年12月13日至2022年1月2日期間，亞洲國際博覽館會舉行一個超大型歐陸聖誕村莊主題樂園「 Winter Wonderland 冰雪奇幻國度 」，有得買有得食就基本啦，而且仲有好多打卡位同玩樂設備，去玩足一日都完全OK！小編為大家精選咗6大必去主題活動同體驗區，當日記得早啲去先可以玩晒咁多個地方！

#1 Christmas Market 聖誕市集

成個「 Winter Wonderland 冰雪奇幻國度 」以歐陸聖誕小村莊為設計藍本，當中一定要去嘅有充滿歐洲風情嘅聖誕市集！由多達60間彩色小木屋搭建而成，每間都有賣唔同嘅特色產品及服務，例如洋溢瑞士家鄉風味嘅朱古力品牌Lindt期間限定店、歐洲超人氣咖啡品牌Lavazza全港首間期間限定店等等～除咗食品之外，同場仲有塔羅牌占卜及茶葉占卜等特色攤位，男仔一定要帶女伴去體驗下！

#2 Glacier Ice House 極地冰窖

依個真心一定要去！「Glacier Ice House 極地冰窖」由專業冰雕師打磨及裝嵌而成，啲巨型冰磚仲要喺外國運嚟香港㗎，去到現場就好似去咗北極冰屋咁！未講完啊，你以為淨係得打卡咁簡單？No！其實佢係全港獨一無二嘅冰窖酒吧！酒吧邀請咗2021年亞洲最佳50名酒吧之一嘅主理人及著名調酒師Sandeep Kumar親自主理，非常厲害！只要預約參觀，你就可以試到為Winter Wonderland 冰雪奇幻國度量身訂製嘅特色雞尾酒～

#3 House of Light by XCEPT

如果你鍾意新世代藝術，咁可以預時間去互動藝術裝置體驗區「House of Light by XCEPT」～由本地創意媒體藝術團隊XCEPT打造，結合光影美學及動能產生嘅音頻，創造出獨一無二嘅光學結晶之樹，打卡一流啊！

#4 Santa Claus Post Office 聖誕老人郵局

冇得去芬蘭搵聖誕老人好唔開心？咁去「Santa Claus Post Office 聖誕老人郵局」啦！果到有好多聖誕小精靈歡迎大家，而且仲可以揀自己喜歡嘅Winter Wonderland 冰雪奇幻國度限定明信片，現場寫現場寄，比個驚喜親朋好友！

#5 MR. MEN LITTLE MISS X’mas Maze 奇先生妙小姐聖誕迷宮

Winter Wonderland 冰雪奇幻國度好嘅地方係上至80歲、下至3歲嘅男女都可以去，因為一定有樣嘢啱你玩！如果有小朋友一齊去，建議家長帶佢哋去玩迷宮遊戲，入面有好多打卡點同互動遊戲區，仔仔女女一定玩得好開心～旅程完成之後唔好急住走，因為有得攞限定紀念品乙份！

#6 Joy & Jump Castle 歡樂彈跳城堡

去完聖誕迷宮仲可以去充氣遊玩區！果到提供多款充氣遊樂設施，推薦大家玩高達5米、長達30米嘅充氣滑梯，聽講係香港室內場地中體積最大！唔好話小朋友，大人見到都想上去一齊玩⋯

最後溫馨提示大家，成年訪客只要搭機場快綫就可以享有乘車優惠，比港幣47元就能夠即日往返市區及博覽館站。3至11歲小童仲要免費添！（條款及細則可以參考「Winter Wonderland 冰雪奇幻國度」官方平台 >>> http://www.winterwonderland.hk ）

 

補充資料
Winter Wonderland冰雪奇幻國度
地點：亞洲國際博覽館 2號展館
日期：2021年12月13日～2022年1月2日（12月21日冬至日閉館）
時段A：10:30 – 15:30
時段B：16:00 – 21:00
標準門票：成人每位88港元，小童（3至11歲）每位68港元
早鳥優惠（12月12日或之前購票）：成人每位78港元，小童（3至11歲）每位58港元

如果想買門票，可以去以下依條link >>> https://bit.ly/3yh43Om