最近本地人氣女 YouTuber 肥蛙就訪問咗一位現任電視台女藝人，係唔露樣嘅情況下大爆公司內幕！例如 飯局價目表 之類～該段影片依家已經有超過 23 萬人觀看，睇嚟大家對明星八卦都好有興趣～

講少少依位現任電視台女藝人嘅背景先，佢 18 歲果陣已經報讀咗藝員訓練班，以底薪 $5000 港元同公司簽約三年。如果係普通藝員合約就可以另外自己接工作，不過就唔去得其他電視台；如果係經理人合約，就所有事都要由經理人去處理。

#飯局價目表

依位女藝人大爆飯局價目表真係存在，而且價格都唔低㗎！普通食餐飯都可以去到幾十萬價位！負責依啲飯局嘅人，仲會有一張清單，列出唔同女明星嘅價位添！

#見高拜、見低踩文化

女藝人表示，如果你唔係當紅演員，就預咗比人恰啦！因為行內階級觀念好重，幕前幕後好多人都「見高拜、見低踩」，例如有部分監製只會同一線演員傾計，冇名氣嘅人就直接無視。

#冇名氣就冇權力

佢仲大爆自己試過連續三日三夜、唔卸妝拍劇！因為劇集拍攝要遷就好多人，正常會睇咗較高地位嘅人嘅時間表先，而唔會顧及到佢哋依個階層嘅休息時間。

不過最後佢直言，如果唔鍾意份工，一早就會選擇離開。係依行留超過五年以上嘅人，都一定係好鍾意做戲同埋娛樂大眾。唔知大家又點睇呢？

***圖片為示意圖，並不代表內文與該女藝人有關***

如果想睇更多相關內容，可以去依個網址＞＞＞mandies kwok 肥蛙@YouTube

延伸閱讀：

【10位網民力求過檔ViuTV的TVB藝人！廢青安都有份！】

【Mirror顏值擔當潛力股！5個成為Frankie忠粉必知小秘密！】