Nike Fans 又有新地方去啦！尖沙咀海港城最近新開咗兩層高 Nike 專門店，款多又新之餘，仲係全港首間主打女性概念嘅門店！女士們是咪好想立即去朝聖呢？

依間女性向 Nike 專門店，有專門為女士而設嘅試身室同客製化服務，前者設計十分簡約時尚，另外仲有可以調整角度嘅鏡，等女士們 360 度照爆塊鏡！

而後者客製化服務都好有趣㗎，仲要係全港獨家！顧客可以自選圖案，然後印係指定運動內衣同緊身褲上面～而且過程好快，大概 10 分鐘左右～

另外依間專門店仲有香港限定款波鞋！！圖入面嘅 AIR ZOOM PEGASUS 37，設計加入咗香港生活元素同獨特文化，例如鞋身符號其實充滿本土特色，你見唔見到棚架嘅花樣？

最後提大家，記得同店舖中間個勝利女神像打卡啊，佢係以舊鞋回收同環保物料製成㗎！

補充資料
地址：尖沙咀廣東道9號海港城港威商場3樓3210號及4樓4103號

圖片來源：harbourcity@Instagram