早兩年萬聖節疫情嚴重,好多活動都因此取消,今年情況稍有好轉,唔少經典萬聖節活動都捲土重來!GOBA小編為大家整合咗 5 個超正 萬聖節好去處 ,等你哋可以過一個「wewa鬼叫」嘅 halloween!
# 萬聖節好去處 1 – 海洋公園「哈囉喂全園祭2021」
海洋公園嘅「哈囉喂」可以話係香港人嘅集體回憶!雖然今年冇咗傳統鬼屋,但係都好多嘢玩!例如全新三大互動刺激體驗「屍襲逃亡」、「陰濕奪寶」同埋「鬼上身事件簿」,都係必玩之選!之前好多鬼怪出沒嘅老大街,今年會有超刺激「老大街尋兇」game 玩!提一提大家,哈囉喂全園祭期間周街都係精靈鬼怪,記得捉住佢哋打卡啊~
更多詳細資料:https://bit.ly/3l9xuwM
# 萬聖節好去處 2 – 迪士尼樂園「萬聖重來反轉迪士尼」
今年香港迪士尼樂園都 come back 啦!如果帶住小朋友,就最適合去~小編覺得其中一個超吸引節目係 live show《惡人舞動迪士尼》,真心覺得大家要入園欣賞!而且整個園區都有唔同嘅「惡人」周圍遊走,記得帶定相機同佢哋合照!仲有啊,教定小朋友講「trick or treat」,因為會有工作人員派糖~
# 萬聖節好去處 3 – 南豐紗廠「走進伊藤潤二的詭異世界」
日本當代恐怖大師伊藤潤二嚟到香港啦!南豐紗廠今年整個 10 月都會舉行「走進伊藤潤二的詭異世界」展覽,模擬 5 個漫畫故事主題,等大家去到就好似置身漫畫場景中!諗起就打冷震⋯不過提一提大家,門券係限量發售,要搶就要快!
補充資料
日期:2021年10月1日至10月31日
地點:南豐紗廠M層 The Annex(荃灣白田壩街45號)
更多詳細資料:https://bit.ly/3Fg95O2
# 萬聖節好去處 4 – 第二人生體驗館
劇本殺(LARP)近幾年係韓國、台灣等地方都好流行,簡單嚟講就係實景真人角色扮演遊戲(Live Action Role Play)~第二人生體驗館係全港首間 LARP遊戲館,如果未諗好今年 halloween 去邊,可以考慮下去依到玩~每位玩家都會有一本劇本,其中一位玩家係兇手,參加者都要搜尋線索,搵出真兇!
補充資料
地點:香港尖沙咀廣東道80號 Cantonyama 3樓
更多詳細資料:https://bit.ly/3uIn3Dw
# 萬聖節好去處 5 – 新巴城巴「異靈21特別班次」
估唔到新巴城巴咁跟得上流行!佢哋宣布將加開「異靈21特別班次」,係 2 個小時車程中,導遊會解說香港本地多個都市傳說及靈異事件,再藉此帶大家認識各區歷史背景及文化~到達指定地方仲會開放乘客落車,探索一下偏僻猛鬼街道!最後仲安排咗參加者去銅鑼灣 EL Dining 享用晚餐添~
補充資料
日期:10月8/9/15/22/23日
價格:每位港幣$328
圖片及資料來源:海洋公園 、香港迪士尼 、南豐紗廠 、第二人生體驗館 、新巴城巴
延伸閱讀
【不給糖就搗蛋!10款超美萬聖節搞怪美甲提䅁! 】
【2大必打卡位置推薦!香港超日式木質仙境庭院! 】