宋仲基再婚嘅新聞每日都有更新，真係猶如韓劇咁精彩！日前有韓國前娛樂記者，現為知名YouTuber嘅李鎮浩就爆料宋仲基同未婚妻Katy唔係閃婚，兩人已經認識一段時間，而交往時間都唔係外界傳出嘅1年，係3年先啱！

李鎮浩表示舊年12月底宋仲基被爆出戀情後，就主動喺聚餐上向《路奇莞》嘅演員同工作人員介紹女朋友，拎出相片向大家表明兩人已經拍咗拖3年咁耐。李鎮浩亦指出Katy早在舊年春天就定居韓國，所以兩人唔可能只係交往咗1年。

交往3年呢個時間難免令人聯想起宋仲基同宋慧喬嘅離婚時間都係3年，中間好似有無縫接軌嘅嫌疑，就算唔係，宋仲基都非常快速咁投入下一段感情。所以有網友都諷刺：「立墜愛不代表就是指交往到結婚很迅速，剛離婚就墜入愛河也是。」、「離婚好像也有3年半了，交往3年的話……原來宋仲基是情聖ㅋㅋ」

另外有網友提到《朝鮮日報》曾經報導外國媒體採訪過Katy，而Katy大方表明自己係單親媽媽育有一女一子，而呢個曾經懷孕嘅爭議都未得到當事人嘅回應。